జగన్​ చూసి కేసీఆర్​ బుద్ధి తెచ్చుకోవాలి: చాడ

పార్టీ ఫిరాయింపు విషయంలో ఏపీ ముఖ్యమంత్రి జగన్​ను చూసి కేసీఆర్​ బుద్ధి తెచ్చుకోవాలని సీపీఐ రాష్ట్ర కార్యదర్శి చాడ వెంకటరెడ్డి సూచించారు. టీఆర్టీ నియామకాలు చేపట్టకుండా నిరుద్యోగులను మభ్యపెడుతున్నారని మండిపడ్డారు. తెలంగాణలో అన్ని ప్రాజెక్టులను సందర్శించాలని నిర్ణయించుకున్నామని తెలిపారు.

ముఖ్యమంత్రి కేసీఆర్​పై సీపీఐ రాష్ట్ర కార్యదర్శి చాడ వెంకటరెడ్డి మండిపడ్డారు. సిద్దిపేట జిల్లా హుస్నాబాద్​ పార్టీ కార్యాలయంలో ఆయన మాట్లాడుతూ.. కేసీఆర్​ పార్టీ ఫిరాయింపులను ప్రోత్సహిస్తూ, రాజ్యాంగాన్ని అపహాస్యం చేస్తున్నారని ధ్వజమెత్తారు. ఫిరాయింపులను వ్యతిరేకిస్తూ ఏపీ ముఖ్యమంత్రి జగన్ చేసిన వ్యాఖ్యలను చూసైన బుద్ధితెచ్చుకోవాలని హితవు పలికారు. నియామకాలు చేపట్టకుండా టీఆర్టీ అభ్యర్థులను మోసం చేస్తున్నారని ఆగ్రహం వ్యక్తం చేశారు.

ఇవీ చూడండి: 'వాళ్ల కోసమే కాళేశ్వరం నిర్మాణ వ్యయం పెంచారు'