పత్తి కొనుగోలు చేయాలంటూ రైతుల రాస్తారోకో

సిద్దిపేట జిల్లా హున్నాబాద్​లో ప్రధాన రహదారిపై బైఠాయించి రైతులు ఆందోళన చేపట్టారు. ప్రభుత్వం నిర్ణయించిన మద్దతు ధరకు జిన్నింగ్​ మిల్లులోని పత్తి కొనుగోలు చేయాలని రాస్తారోకో నిర్వహించారు.

సిద్దిపేట జిల్లా హుస్నాబాద్​ మండలం పందిళ్లలోని జిన్నింగ్​ మిల్లులో సీసీఐ ద్వారా పత్తి కొనుగోళ్లు చేయాలని రైతులు ధర్నా నిర్వహించారు. ప్రభుత్వం నిర్ణయించిన మద్దతు ధరకు పత్తి కొనుగోలు చేయాలని హుస్నాబాద్​ - సిద్దిపేట ప్రధాన రహదారిపై రైతులు బైఠాయించి రాస్తారోకో చేశారు.

దీనితో వాహనాల రాకపోకలు అంతరాయం ఏర్పడింది. విషయం తెలుసుకున్న అధికారులు ఘటనా స్థలికి చేరుకుని పత్తి కొనుగోలు చేస్తామని రైతులకు హామీ ఇవ్వడం వల్ల రైతులు ఆందోళన విరమించారు.

ఇదీ చూడండి: 'జాలర్ల వలలో పీఎస్‌ఎల్​వీ రాకెట్ బూస్టర్‌'