సిద్దిపేట జిల్లా హుస్నాబాద్ అంబేడ్కర్ చౌరస్తాలో యూపీలో కాంగ్రెస్ నాయకులు రాహుల్ గాంధీ, ప్రియాంక గాంధీలను అరెస్ట్ చేయడాన్ని నిరసిస్తూ కాంగ్రెస్ పార్టీ ఆధ్వర్యంలో ధర్నా నిర్వహించారు. ఉత్తర్ప్రదేశ్లోని హాథ్రస్లో దళిత యువతిపై కొందరు అత్యాచారం చేసి.. ఆమె మరణానికి కారణమయ్యారు. యువతి మృతదేహాన్ని కనీసం కుటుంబానికి ఇవ్వకుండా పోలీసులే దహన సంస్కరణలు చేయడం దారుణమని డీసీసీ జిల్లా అధికార ప్రతినిధి లింగమూర్తి తెలిపారు.
రాహుల్, ప్రియాంక గాంధీల అరెస్ట్కు నిరసనగా హస్తం నేతల ధర్నా
సిద్దిపేట జిల్లా హుస్నాబాద్ అంబేడ్కర్ చౌరస్తాలో కాంగ్రెస్ నాయకులు ధర్నాకు దిగారు. యూపీలో హస్తం నేతలు రాహుల్గాంధీ, ప్రియాంక గాంధీలను అరెస్ట్ చేయడాన్ని నిరసిస్తూ భాజపాకు వ్యతిరేకంగా హస్తం నేతలు నినాదాలు చేస్తూ ప్రధాని చిత్రపటాన్ని దగ్ధం చేశారు.
రాహుల్, ప్రియాంక గాంధీల అరెస్ట్కు నిరసనగా హస్తం నేతల ధర్నా
అయితే అత్యాచారం జరగలేదని..ఆ రాష్ట్ర ఐజీ నివేదిక ఇవ్వడం బాధాకరమని కాంగ్రెస్ నేతలు అన్నారు. కేంద్రంలో భాజపా ప్రభుత్వం మత రాజకీయాలు చేస్తూ దళితులపై అణచివేత ధోరణిని అవలంభిస్తోందని ఆరోపించారు. దేశంలో పేద వర్గాలకు ఒక న్యాయం ఉన్నత వర్గాల నిందితులకు మరో న్యాయం జరుగుతోందని ఆరోపించారు. రానున్న రోజుల్లో కేంద్రంలో భాజపా ప్రభుత్వం వల్ల భారత రాజ్యాంగానికి ప్రమాదం వాటిల్లే అవకాశం ఉందని అన్నారు.