సీఎం చొరవతో ఏళ్ల నుంచి ఉన్న భూసమస్య పరిష్కారం

సీఎం కేసీఆర్ చొరవతో ఎన్నో ఏళ్లుగా పరిష్కారం కాని భూసమస్య నేడు శాశ్వత పరిష్కారం దిశగా అడుగులు వేస్తోంది. సిద్దిపేట జిల్లా గజ్వేల్ నియోజకవర్గం జగదేవ్​పూర్​లోని కొత్తపేట, ఇటిక్యాల, లింగారెడ్డిపల్లి గ్రామాల్లో భూముల సమస్యల పరిష్కారం కోసం సర్పంచులు, రైతులతో ఫోన్​లో సీఎం కేసీఆర్ నేరుగా మాట్లాడి భూసమస్యల గురించి అడిగి తెలుసుకున్నారు. సమస్యలను వెంటనే పరిష్కారించాలని అధికారులను ఆదేశించారు.

సిద్దిపేట జిల్లా గజ్వేల్ నియోజకవర్గంలోని జగదేవ్​పూర్ మండలంలోని కొత్తపేట, లింగారెడ్డి పల్లి, ఇటిక్యాల గ్రామాల్లో కొన్నేళ్లుగా పెండింగ్​లో ఉన్న భూసమస్యలను పరిష్కరించాల్సిందిగా... సీఎం కేసీఆర్ జిల్లా యంత్రాగాన్ని అదేశించారు. జిల్లా కలెక్టర్ వెంకట్రామిరెడ్డి, అధికారులు గ్రామాల్లోని రైతులతో, సర్పంచ్​లతో సమావేశం నిర్వహించారు.

తాత, ముత్తాతల నుంచి ఉన్న భూసమస్యలను సైతం పరిష్కరించేందుకు కృషి చేసి పట్టాలు అందేలా చూస్తామని రైతులకు కలెక్టర్​ భరోసానిచ్చారు. ఈ కార్యక్రమంలో రాష్ట్ర అటవీ అభివృద్ధి సంస్థ కార్పొరేషన్ ఛైర్మెన్ వంటేరు ప్రతాప్ రెడ్డి పాల్గొన్నారు. ఎన్నో ఏళ్లుగా పెండింగ్​లో ఉన్న భూ సమస్యలు త్వరలో పరిష్కారం కానుండటం వల్ల ఆయా గ్రామల రైతులు సంతోషం వ్యక్తం చేస్తున్నారు. సీఎం కేసీఆర్ రుణం ఎప్పటికీ మరచిపోమని రైతులు హర్షిస్తున్నారు.

ఇదీ చదవండిఃకొవిడ్‌ బాధితులకు పరీక్షల నుంచి చికిత్సల వరకు అడ్డంకులే