హుస్నాబాద్​లో పోలీసులు, భాజపా నేతలకు మధ్య తోపులాట..

భాజపా రాష్ట్ర అధ్యక్షడు బండి సంజయ్​పై జరిగిన దాడికి నిరసనగా రాష్ట్రవ్యాప్తంగా పెద్ద ఎత్తున ఆ పార్టీ కార్యకర్తలు ఆందోళనలు, ధర్నాలు నిర్వహిస్తున్నారు. ఈక్రమంలో సిద్దిపేట జిల్లా హుస్నాబాద్​ రహదారిపై రాస్తారోకో నిర్వహించిన నేతలను పోలీసులు అరెస్టు చేశారు.

భాజపా రాష్ట్ర అధ్యక్షుడు ఎంపీ బండి సంజయ్​పై జరిగిన దాడిని ఖండిస్తూ సిద్దిపేట జిల్లా హుస్నాబాద్​ రహదారిపై బైఠాయించి ఆ పార్టీ నాయకులు రాస్తారోకో నిర్వహించారు. రాష్ట్ర ప్రభుత్వానికి, పోలీస్ యంత్రాంగానికి వ్యతిరేకంగా నినాదాలు చేశారు.

పోలీసులు వారిని అదుపులోకి తీసుకుని స్టేషన్​కు తరలించారు. ఈక్రమంలో పోలీసులకు భాజపా నాయకులకు మధ్య స్వల్ప తోపులాట జరిగింది. అదేవిధంగా కోహెడ, అక్కన్నపేట మండలాల్లో కూడా భాజపా కార్యకర్తలు పెద్ద ఎత్తున నిరసన చేపట్టారు.

ఇదీ చూడండి:దీక్ష కొనసాగిస్తున్న బండి సంజయ్​.. ప్రగతిభవన్​ వద్ద భారీగా బలగాలు