దుబ్బాకలో ఎన్నికలు జరుగుతుంటే అధికారంలో ఉన్న తెరాస, మంత్రి హరీష్ రావు పోలీసులు పంపించి సిద్దిపేటలో రఘునందన్ రావు బంధువుల ఇళ్లల్లో సోదాలు చేయడం దారుణమని మెదక్ భాజపా జిల్లా అధ్యక్షుడు గడ్డం శ్రీనివాస్ ఆరోపించారు. పోలీసుల తీరును నిరసిస్తూ... మెదక్ పట్టణం కొత్త బస్టాండ్ వద్ద నిరసన చేపట్టారు.
దుబ్బాకలో ఉప ఎన్నికలు జరుగుతుంటే సిద్దిపేటలో సోదాలు జరపడం విడ్డూరమని పేర్కొన్నారు. రఘునందన్ రావు బంధువుల ఇళ్లల్లో సోదాలు చేస్తారు కానీ... తెరాస వారి వాహనాలు.. వారి కుటుంబ సభ్యుల ఇళ్లల్లో ఎందుకు సోదాలు చేయలేదని ప్రశ్నించారు.