విద్యుత్ ఛార్జీలు తగ్గించాలని డిమాండ్ చేస్తూ సిద్దిపేట జిల్లా దుబ్బాకలో భారతీయ జనతా పార్టీ నేతలు ఆందోళన చేపట్టారు. స్థానిక ఏడీఈ కార్యాలయం ఎదుట బైఠాయించారు. లాక్డౌన్ వల్ల ఉపాధి కోల్పోయి ప్రజలు ఆర్థిక సమస్యలు ఎదుర్కొంటున్న వేళ... తెలంగాణ ప్రభుత్వం విద్యుత్ బిల్లులు పెంచి వారిని దోచుకుంటోందని భాజపా నేతలు ఆరోపించారు.
'కరోనా సమయంలో విద్యుత్ బిల్లుల పెంపు సరికాదు'
సిద్దిపేట జిల్లా దుబ్బాకలో భాజపా ఆధ్వర్యంలో ధర్నా నిర్వహించారు. స్థానిక ఏడీఈ కార్యాలయం ఎదుట భాజపా నేతలు బైఠాయించారు.
దుబ్బాకలో భాజపా ధర్నా
ప్రజలను ఆదుకోవాల్సిన ప్రభుత్వమే విద్యుత్ బిల్లులు పెంచి 3 నెలలకు వడ్డీ వసూలు చేయడం సమంజసం కాదన్నారు. 3 మాసాల బిల్లులను వాయిదాల పద్ధతిలో చెల్లించే వెసులుబాటు కల్పించాలని డిమాండ్ చేశారు. ధర్నాలో భాజపా కిసాన్ మోర్చా రాష్ట్ర ఉపాధ్యక్షులు తోట కమలాకర్ రెడ్డితో పాటు స్థానిక నాయకులు రాజిరెడ్డి, కొండల్ రెడ్డి, రమేశ్ తదితరులు పాల్గొన్నారు.