బండి సంజయ్ అరెస్ట్​ను ఖండిస్తూ నల్ల బ్యాడ్జీలతో నిరసన

భాజపా రాష్ట్ర అధ్యక్షుడు బండి సంజయ్ అరెస్ట్​ను తప్పుబడుతూ.. ఆ పార్టీ కార్యాలయంలో మాజీ ఎంపీ జితేందర్​రెడ్డి నల్ల బ్యాడ్జీలు ధరించి నిరసన తెలిపారు. పోలీసుల అత్యుత్సాహం వల్లే ఓ కార్యకర్త ఆత్మహత్యాయత్నానికి పాల్పడ్డాడని ఆరోపించారు.

ఇటీవల భాజపా రాష్ట్ర అధ్యక్షుడు బండి సంజయ్ అరెస్ట్​ను ఖండిస్తూ.. సిద్దిపేట జిల్లా కేంద్రంలోని పార్టీ కార్యాలయంలో నేతలు నల్ల బ్యాడ్జీలు ధరించి నిరసన తెలిపారు. కేంద్రం ఇచ్చే నిధులు 23 పథకాల ద్వారా నేరుగా ప్రజలకు చేరుతున్నాయని.. ఆ విషయం ప్రజలందరికీ తెలుసునని మాజీ ఎంపీ జితేందర్​రెడ్డి స్పష్టం చేశారు.

హరీశ్​రావు కేంద్రం నుంచి నయా పైసా రాలేదని పదేపదే బుకాయించడం అబద్ధమనే సంగతి ప్రజలకు తెలిసిందన్నారు. పోలీసులు అత్యుత్సాహంతో బండి సంజయ్​ను అరెస్ట్ చేస్తే.. అది తట్టుకోలేని కార్యకర్త ఆత్మహత్యాయత్నానికి పాల్పడ్డాడని చెప్పారు.

ఇదీ చూడండి:'దుబ్బాకలో పెద్దఎత్తున డబ్బు, మద్యం పంపిణీ చేస్తున్నారు'