వైస్​ ఛైర్మన్​పై కర్రలతో దాడి

వివాహేతర సంబంధం కొనసాగిస్తున్నాడన్న ఆరోపణలతో సిద్దిపేట మున్సిపల్​ వైస్​ ఛైర్మన్​పై కొంతమంది వ్యక్తులు కర్తలతో దాడికి పాల్పడ్డారు.

సిద్దిపేట పట్టణ మున్సిపల్ వైస్ ఛైర్మన్ అక్తర్ పటేల్​పై సాజిద్​పురాకు చెందిన రహీం అనే వ్యక్తి తన అనుచరులతో కర్రలతో దాడి చేశాడు. దీనితో అక్తర్ పటేల్ చెయ్యికి గాయాలయ్యాయి. ఘటనాస్థలం నుంచి తప్పించుకుని అక్తర్​ పట్టణ టూ టౌన్ పోలీస్ స్టేషన్​కి వెళ్లి ఫిర్యాదు చేశాడు.

పోలీసులు కేసు నమోదు చేసుకుని దర్యాప్తు చేపట్టారు. పట్టణానికి చెందిన ఓ వివాహితతో అక్రమ సంబంధం కొనసాగిస్తున్నాడన్న ఆరోపనలతోనే ఈ దాడికి పాల్పడినట్లు స్థానికులు అనుమానం వ్యక్తం చేస్తున్నారు.

ఇదీ చూడండి:వాగ్దానాలు మరిచిన 'మంత్రిని నిలదీసిన మహిళ'