' ఆర్టీసీ సమస్యల పరిష్కారం కోసం ఆత్మహత్య చేసుకుంటా'

ప్రశాంతంగా సాగుతున్న ఆర్టీసీ సమ్మెవద్దకు ఓ గుర్తు తెలియని యువకుడు డీజిల్ బాటిల్​తో వచ్చి కలకలం రేపిన ఘటన సంగారెడ్డిలో చోటు చేసుకుంది.

సంగారెడ్డి ఆర్టీసీ డిపో వద్ద ఆర్టీసీ కార్మికులు సమ్మె నిర్వహిస్తున్నారు. గుర్తు తెలియని యువకుడు డీజిల్ బాటిల్​తో సమ్మె వద్దకు వచ్చి... కార్మికుల సమస్యలు పరిష్కారం కోసం ఆత్మహత్య చేసుకుంటానని హల్​చల్ చేశాడు. డీజిల్ పోసుకుని ఆత్మహత్యకు ప్రయత్నించాడు. పోలీసులు, ఆర్టీసీ కార్మికులు అడ్డుకొని యువకునికి సర్ది చెప్పారు. సమస్యల పరిష్కారం కోసం ఆత్మహత్యలు చేసుకోవద్దని కార్మికులు విన్నవించినా యువకుడు వినకపోవడంతో పోలీసులు అతన్ని స్టేషన్​కు తరలించారు.