'భర్త చంపాలని చూస్తున్నాడు.. అత్తింటి ముందు కోడలి ధర్నా'

తనను భర్త చంపాలని చూస్తున్నాడని ఆరోపిస్తూ ఓ మహిళ అత్తింటి ముందు ఆందోళనకు దిగిన ఘటన సంగారెడ్డి జిల్లా అన్నారంలో చోటుచేసుకుంది. తనకు ప్రాణహాని ఉందని వాపోయింది.

సంగారెడ్డి జిల్లా గుమ్మడిదల మండలం అన్నారం గ్రామ పరిధి ప్రకృతి నివాస్​లో భర్త వివాహేతర సంబంధం పెట్టుకుని, తనను చంపాలని చూస్తున్నాడని అత్తింటి ముందే కోడలు ధర్నాకు దిగింది. తన భర్త రామకృష్ణ... కొంత కాలంగా వేధిస్తున్నాడని ఆరోపిస్తూ అత్తింటి ముందు స్వప్న నిరసన చేపట్టింది.

భర్త వేరే మహిళతో ఉండగా రెడ్​హ్యాండెడ్​గా పట్టుకున్నానని.. అప్పటి నుంచి తనను చంపాలని చూస్తున్నాడని స్వప్న ఆరోపించింది. తనకు, పిల్లలకు న్యాయం చేయాలని వేడుకుంది. ప్రాణహాని ఉందని అత్తమామలకు చెప్పిన పట్టించుకోవడం లేదని వాపోయింది. పోలీసులు కేసు నమోదు చేసుకుని దర్యాప్తు చేస్తున్నారు.

ఇదీ చూడండి:'ఆ భూములు మా నాన్న కొన్నవి.. ఇవ్వాల్సిందే'