నారాయణఖేడ్​ మున్సిపాలిటీలో అర్బన్ ​పార్క్​ నిర్మాణ పనులు ప్రారంభం

రాష్ట్ర ప్రభుత్వం ప్రతిష్టాత్మకంగా అమలుచేస్తున్న హరితహారం కార్యక్రమంలో భాగంగా మున్సిపాలిటీలలో అర్బన్ పార్కులను ఏర్పాటు చేస్తోంది. నారాయణఖేడ్ మున్సిపాలిటీలోని జూకల్ శివారులో అర్బన్ పార్క్ పనులు ప్రారంభమయ్యాయి.

సంగారెడ్డి జిల్లా నారాయణఖేడ్​ మున్సిపాలిటీలోని జూకల్ గ్రామంలో అర్బన్​ పార్కు నిర్మాణ పనులు ప్రారంభమయ్యాయి. గ్రామ శివారులోని 500 ఎకరాల అటవీ భూముల్లో అర్బన్ పార్కును ఏర్పాటు చేస్తున్నట్టు ఫారెస్టు అధికారులు తెలిపారు. పార్కులో వాచ్​టవర్, యోగా షెడ్, 15 కిలోమీటర్ల మేర వాకింగ్ ట్రాక్, చిన్నారులు ఆడుకోడానికి ఆటస్థలం ఏర్పాటు చేయనున్నట్లు వెల్లడించారు.

నారాయణఖేడ్​ మున్సిపాలిటీలో అర్బన్ ​పార్క్​ నిర్మాణ పనులు ప్రారంభం

పార్కు నిర్మాణంలో భాగంగా కాంపౌండ్ వాల్ నిర్మాణ పనులు ఇటీవలే ప్రారంభమయ్యాయి. ఎనిమిది కిలోమీటర్ల మేర జాలీని ఏర్పాటు చేయనున్నట్టు చెప్పారు. రెండు కిలోమీటర్ల మేర గోడ నిర్మించనున్నారు. ప్రస్తుతం అటవీ ప్రాంతంలో వీడ్ రిమూవల్ పనులను 50 మంది కూలీలతో చేస్తున్నారు. మొత్తం 500 ఎకరాల్లో పార్క్ నిర్మాణం చేస్తున్నట్లు ఎఫ్​ఆర్వో దేవీలాల్​, ఎఫ్​ఎస్​వో మల్లేశం, ఎస్​బీవో ప్రసాద్​ తెలిపారు.

ఇదీ చూడండి:పెండింగ్​ మ్యుటేషన్లన్నింటినీ తక్షణమే పరిష్కరించాలి: ప్రభుత్వం