ఎమ్మెల్యేకు ఆర్టీసీ కార్మికుల వినతిపత్రం

సంగారెడ్డి జిల్లా జహీరాబాద్​లో ఆర్టీసీ కార్మికులు ఎమ్మెల్యే క్యాంపు కార్యాలయం వరకు ర్యాలీ చేపట్టారు. అనంతరం సమస్యలు పరిష్కరించాలని కోరుతూ వినతిపత్రాన్ని ఎమ్మెల్యే మాణిక్​రావుకు అందజేశారు.

సంగారెడ్డి జిల్లా జహీరాబాద్​లో 19 రోజులుగా సమ్మె చేస్తున్న ఆర్టీసీ కార్మికులు నిరసన కార్యక్రమాలు చేస్తూనే ఉన్నారు. జహీరాబాద్​ బస్టాండ్​ నుంచి తహసీల్దార్​ కార్యాలయం మీదుగా ఎమ్మెల్యే క్యాంపు కార్యాలయం వరకు ర్యాలీ నిర్వహించారు. ఆర్టీసీ కార్మికుల న్యాయమైన డిమాండ్లు పరిష్కరించాలని రోడ్డుపై బైఠాయించారు. అనంతరం సమస్యలతో కూడిన వినతిపత్రాన్ని ఎమ్మెల్యే మాణిక్​రావుకు అందజేశారు. బస్టాండ్ ఆవరణలో చేపట్టిన నిరసన కార్యక్రమంలో మహిళా కండక్టర్​ అస్వస్థతకు గురికాగా.. ఆమెను చికిత్స నిమిత్తం ప్రభుత్వాస్పత్రికి తరలించారు.

ఇదీ చదవండిః మంత్రుల ఇళ్లను ముట్టడించిన ఆర్టీసీ కార్మికులు