ఊరూరా తిరుగుతూ... కరోనాపై అవగాహన

ఊరూరా తిరుగుతూ కరోనాపై సుధాకర్ అవగాహన కల్పిస్తున్నారు. తన సొంత ఖర్చులతో వాహనంలో కరోనా పట్ల తీసుకోవాల్సిన జాగ్రత్తలపై ప్రచారం చేపట్టాడు.

కొవిడ్​పై తీసుకోవాల్సిన జాగ్రత్తలు చెబుతూ.. సంగారెడ్డి జిల్లా కంగ్టి మండలంలోని బోరిగి గ్రామానికి చెందిన సుధాకర్​ తన వాహనంలో ప్రచారం చేపడుతున్నాడు. గతవారం రోజులుగా నిత్యం పలు గ్రామాలు తిరుగుతూ... స్థానికులను చైతన్య పరుస్తున్నాడు. ఎలాంటి ధనాపేక్ష లేకుండా సొంత ఖర్చులతో గ్రామాలన్ని చుట్టివస్తున్నాడు.

అతని టాటాఏస్​ వాహనానికి బ్యానర్లు కట్టి అందులో సౌండ్ సిస్టం ఏర్పాటు చేసుకుని వాటి ద్వారా ప్రచారం చేపడుతున్నాడు. అందుకు నిత్యం డీజిల్​కు వెయ్యి రూపాయలు ఖర్చు అవుతుందని ఆయన తెలిపారు. ఆయన స్వచ్ఛంద సేవను చూసి ఆయా గ్రామాల ప్రజలు అభినందిస్తున్నారు.

ఇవీ చూడండి:ఆకాశం మీద పడినా ఎన్నికలు జరగాల్సిందేనా?: హైకోర్టు