ట్యాంకుల నిర్మాణానికి నిధుల కోసం వినతి

యుజీడీ, ఓవర్ హెడ్ ట్యాంకుల నిర్మాణానికి నిధులు కేటాయింలని ఎమ్మెల్యే మహిపాల్ రెడ్డి హైదరాబాద్​లో జలమండలి ఎండీ దానకిషోర్‌ను కలిసి విజ్ఞప్తి చేశారు. 64 లక్షల రూపాయలతో నిర్మించేందుకు ప్రతిపాదనలు సిద్ధం చేసినట్లు తెలిపారు.

సంగారెడ్డి జిల్లా పటాన్​చెరులో నూతనంగా నిర్మించతలపెట్టిన యుజీడీ, ఓవర్​ హెడ్​ ట్యాంకుల నిర్మాణానికి నిధులు మంజూరు చేయాలని జలమండలిని ఎమ్మెల్యే మహిపాల్​ రెడ్డి కోరారు. అలాగే అమీన్‌పూర్ మండలం పటేల్​బూడ గ్రామంలో ఓవర్ హైడ్ ట్యాంకు నిర్మాణం కోసం కూడా నిధులు కేటాయించాలని ఆయన జలమండలి ఎండీ దానకిశోర్​ను కోరారు.

తమ విజ్ఞప్తిపై ఎండీ సానుకూలంగా స్పందించారని ఎమ్మెల్యే తెలిపారు. త్వరలోనే నిధులు మంజూరు అవుతాయని ప్రకటించారు.