'ప్రజల్లో ఆర్టీసీపై ఉన్న నమ్మకాన్ని నిలబెట్టుకోవాలి'

రోడ్డు ప్రమాదాలు జరక్కుండా  డ్రైవర్లు అప్రమత్తంగా బస్సులు నడపాలని బీహెచ్​ఈఎల్​ డిపో ఆర్టీసీ డీఎం సత్యనారాయణ  తెలిపారు. సంగారెడ్డి జిల్లా పటాన్​చెరు  ఆర్టీసీ ప్రయాణ ప్రాంగణంలో నిర్వహిస్తోన్న ప్రమాదరహిత వారోత్సవాల్లో భాగంగా డ్రైవర్​లకు, కండక్టర్లకు అవగాహన కార్యక్రమం నిర్వహించారు.

ఆర్టీసీ ప్రయాణమంటే సురక్షితం, సుఖవంతం అనే నమ్మకం ప్రజల్లో ఉందని దాన్ని కాపాడుకోవాలంటే డ్రైవర్లు అప్రమత్తంగా ఉండాలని బీహెచ్​ఈల్​ డిపో​ ఆర్టీసీ డీఎం సత్యనారాయణ అన్నారు. చరవాణి మాట్లాడుతూ ఇతర కార్యకలాపాలపై దృష్టి సారించి వాహనం నడపొద్దని హెచ్చరించారు. ఈనెల 22 నుంచి 28 వరకు ప్రమాదరహిత వారోత్సవాల్లో భాగంగా అవగాహన కార్యక్రమాలు నిర్వహిస్తున్నట్లు ఆయన వివరించారు.

ఇదీ చూడండి: వారి ప్రాణం మీ చేతుల్లోనే ఉంటుంది!