సంగారెడ్డి జిల్లా నారాయణఖేడ్ నియోజకవర్గం పరిధిలోని పలు మండలాల్లో వర్షం బీభత్సం సృష్టించింది. కంగ్టి, కల్హేర్, సిర్గాపూర్ మండలంలోని వివిధ గ్రామాల్లో రాత్రి 11 గంటల సమయంలో ఉరుములు, మెరుపులు, గాలులతో కుండపోత వర్షం కురిసింది.
ఉలిక్కిపడ్డ జనం..
భయంకరమైన ఉరుములు, మెరుపులు, గాలులతో కూడిన వానలకు నిద్రలో ఉన్న జనమంతా ఒక్కసారిగా ఉలిక్కి పడి నిద్ర లేచారు. కొంత సమయం ఆయా గ్రామస్తులంతా ప్రాణాలు అరచేతిలో పెట్టుకున్నంత పని అయ్యింది. ఫలితంగా కరెంట్ స్తంభాలు కూలిపోయాయి. పెద్ద పెద్ద చెట్లు వేర్లతో సహా నేలరాలిపోయాయి.