రఘునందన్​రావుపై ఆరోపణలు చేసిన మహిళ ఆత్మహత్యాయత్నం

భాజపా నేత, దుబ్బాక శాసన సభ్యులు రఘనందన్​రావుపై గతంలో ఆరోపణలు చేసిన మహిళ ఆత్యహత్యాయత్నం చేసింది. తనకు న్యాయం జరగడం లేదని ఆరోపిస్తూ.. మందుబిల్లలు మింగింది. ప్రస్తుతం ఆమె ఆరోగ్యం నిలకడగానే ఉంది.

సంగారెడ్డి జిల్లా రామచంద్రపురం జ్యోతి నగర్​కు చెందిన రాధారమణి అనే మహిళ ఆత్మహత్యాయత్నానికి పాల్పడింది. గతంలో న్యాయవాదిగా ఉన్న సమయంలో రఘునందన్ రావు తనను మోసం చేశారని మహిళ ఆరోపిస్తోంది. హెచ్​ఆర్​సీకి వెళ్లానని, పోలీస్​స్టేషన్​లో ఫిర్యాదు చేశానని అయినా తనకు న్యాయం జరగలేదని వాపోతోంది.

ఆత్మహత్యకు యత్నించిన రాధారమణి నేరుగా రామచంద్రాపురం పోలీస్​స్టేషన్​కు వెళ్లింది. పోలీసులు ఆమెను పటాన్​చెరు ప్రభుత్వ ఆస్పత్రికి తరలించారు. వైద్యులు ఆమెకు అన్నిరకాల పరీక్షలు నిర్వహించారు. ప్రస్తుతం ఆమె ఆరోగ్యం నిలకడగా ఉన్నట్టు వైద్యులు ధ్రువీకరించారు.

ఇదీ చూడండి:భార్యను హతమార్చి.. ఏమీ ఎరగనట్టు పోలీసులకు ఫిర్యాదు...