మీ భద్రత మీ చేతుల్లోనే ఉంది: పోలీసులు

సంక్రాంతి పండుగకు ఊరు వెళ్తున్నారా అయితే మీ భద్రతను దృష్టిలో పెట్టుకుని జాగ్రత్తలు తీసుకోవాలని చెబుతున్నారు రామచంద్రపురం పోలీసులు.

సంగారెడ్డి జిల్లా రామచంద్రపురం మల్లికార్జున నగర్​లో పండుగకు ఊళ్లకు వెళ్లే వారికి పోలీసులు అవగాహన కల్పించారు. ఊరికి వెళ్లిన సమయంలో విలువైన వస్తువులు, నగదు ఇంట్లో ఉంచవద్దని తెలియజేశారు. ఇంటి తాళం వేస్తున్నప్పుడు పక్కన ఎవరికైనా చెప్పి వెళ్లాలని సూచించారు.

ఏదైనా అనుమానం ఉంటే డయల్​ 100 నంబర్​కు వెంటనే తెలియజేయాలని వారు తెలిపారు. దొంగతనాలు ఎక్కువగా జరుగుతున్నాయనే నేపథ్యంలో ఈ జాగ్రత్తలు తీసుకోవాల్సిన అవసరం ఉందని వారు చెప్పారు. పోలీసులకు ప్రజలు సహకరించాలని కోరారు.

ఇవీ చూడండి: నిధిగా భావించారు... విధిగా నీరందించారు...