ఇంట్లో గుట్టుగా పేకాడుతూ దొరికిపోయారు...!
అసలే బయట లాక్డౌన్. చేద్దామంటే పనులూ లేవు... బయటికెళ్దామంటే పోలీసుల భయం. ఇంట్లో ఒక్కరమే ఉంటే టైంపాస్ కావట్లేదనుకున్నారో ఏమో... తొమ్మిది మంది కలిసి ఓ ఇంట్లో దుకాణం పెట్టారు. గుట్టుగా పేకాట అడుకుంటున్నారు. ఎలా తెలిసిందో... చడీచప్పుడు చేయకుండా వచ్చారు. అరెస్టు చేసి తీసుకుపోయారు పోలీసులు.
ఇంట్లో గుట్టుగా పేకాడుతూ దొరికిపోయారు...!
ఓ ఇంట్లో గుట్టుగా పేకాట ఆడుతున్న తొమ్మిది మందిని పోలీసులు అదుపులోకి తీసుకున్నారు. సంగారెడ్డి జిల్లా బొల్లారం జ్యోతినగర్లోని ఓ ఇంట్లో పేకాట ఆడుతున్నారని వచ్చిన సమాచారం మేరకు పోలీసులు దాడులు నిర్వహించారు. సోదాల్లో తొమ్మిది మంది పేకాట రాయుళ్లు పోలీసులకు అడ్డంగా దొరికిపోయారు. వారి నుంచి 19 వేల150 రూపాయల నగదును స్వాధీనం చేసుకుని... కేసు నమోదు చేసినట్లు పోలీసులు తెలిపారు.