విద్యుదాఘాతంతో తాత్కాలిక కార్మికుడి మృతి

సంగారెడ్డి జిల్లా రుద్రారం గ్రామ శివారులో విద్యుత్ స్తంభంపై పాడైన ఫ్యూజు తీసి కొత్తది అమర్చబోయిన ఓ తాత్కాలిక కార్మికుడు విద్యుదాఘాతానికి గురయ్యాడు. ఆస్పత్రికి తీసుకెళ్లేలోపే ప్రాణాలు కూడా వదిలాడు.

సంగారెడ్డి జిల్లా రుద్రారం గ్రామానికి చెందిన గౌస్ అనే వ్యక్తి ఇస్నాపూర్ సబ్ స్టేషన్​లో లైన్​మెన్​గా పనిచేస్తున్నాడు. అతని సోదరుడు ఆసిఫ్ కూడా అక్కడే తాత్కాలిక కార్మికుడిగా విధులు నిర్వర్తిస్తున్నాడు. అందులో భాగంగానే రుద్రారం శివారులోని విద్యుత్ స్తంభంపపై కొత్త ఫ్యూజులు అమర్చేందుకని స్తంభం ఎక్కాడు.

పనిపూర్తవగానే విద్యుత్ సరఫరా పునరుద్ధరించారు. అక్కడ నిప్పు చెలరేగడం వల్ల మరోసారి విద్యుత్​ను నిలిపివేసి మరలా స్తంభం ఎక్కాడు. కానీ ప్రమాదవశాత్తు అక్కడ విద్యుత్ సరఫరా అయి ఆసిఫ్ విద్యుదాఘాతానికి గురయ్యాడు. తీవ్రంగా గాయపడ్డాడు. విషయం గుర్తించిన స్థానికులు ఆసిఫ్​ని ఆస్పత్రికి తరలించారు. అప్పటికే అతను మృతి చెందినట్లు వైద్యులు వెల్లడించారు.

ఇవీ చూడండి:'ఒక్కసారి మా నాన్నను చూడనివ్వండి.. ప్లీజ్'