సదాశివపేటలో అనుమానాస్పద స్థితిలో వృద్ధుడి మృతదేహం

సదాశివపేటలోని తహసీల్దార్ కార్యాలయం వెనుక ఓ వృద్ధుడు అనుమానాస్పద స్థితిలో మృతి చెందాడు. దేహంపై గాయాలు, ఘటన స్థలంలో చాకు ఉండటంతో పోలీసులు దీనిని హత్యగా అనుమానిస్తున్నారు.

సంగారెడ్డి జిల్లా సదాశివపేటలోని తహసీల్దార్ కార్యాలయం వెనుక అనుమానాస్పద స్థితిలో ఓ వృద్ధుడి శవం లభించింది. మృతుడు సదాశివపేట పట్టణానికి చెందిన శ్రీనివాస్​గా పోలీసులు గుర్తించారు.

మృత దేహంపై రక్తపు మరకలు, గాయాలు ఉన్నాయని... ఘటనా స్థలంలో చాకు ఉండటంతో పలు అనుమానాలకు దారి తీస్తోంది. శ్రీనివాస్ గురువారం నుంచి కనిపించని నేపథ్యంలో కుటుంబ సభ్యులు శుక్రవారం సదాశివపేట పోలీసు స్టేషన్​లో ఫిర్యాదు చేశారు. పోలీసులు కేసు నమోదు చేసుకుని దర్యాప్తు చేస్తున్నారు.

ఇవీ చూడండి:శంభో.. శివ.. శంభో..