ఆడ పిల్లల బాధ్యత రాష్ట్ర ప్రభుత్వానిదే: ఎమ్మెల్యే

రాష్ట్రంలోని ఆడ పిల్లల భాధ్యత ప్రభుత్వానిదేనని సంగారెడ్డి జిల్లా నారాయణ్​ ఖేడ్ ఎమ్మెల్యే భూపాల్ రెడ్డి అన్నారు. తన నియోజక వర్గం పరిధిలోని పలు గ్రామాల ప్రజలకు వివిధ ప్రభుత్వ పథకాలకు సంబంధించిన చెక్కులను ఆయన పంపిణీ చేశారు.

బడుగు బలహీన వర్గాల ప్రజలకు తెరాస ప్రభుత్వం అండగా ఉంటుదని నారాయణ్​ఖేడ్ ఎమ్మెల్యే భూపాల్ రెడ్డి అన్నారు. నియోజకవర్గంలోని క్యాంపు కార్యాలయంలో ఏర్పాటు చేసిన ఓ కార్యక్రమంలో మండలంలోని పలు గ్రామస్థులకు కళ్యాణ లక్ష్మీ, షాదీముబారక్, రైతు బంధు, ముఖ్యమంత్రి సహాయ నిధి చెక్కులను పంపిణీ చేశారు.

రాష్ట్రంలోని ఆడ పిల్లల భాధ్యత ప్రభుత్వానిదేనని ఎమ్మెల్యే భూపాల్ రెడ్డి అన్నారు. అందుకోసమే ముఖ్యమంత్రి కేసీఆర్​ కళ్యాణ లక్ష్మీ, షాదీముబారక్​ పథకాలను ప్రవేశపెట్టారని అన్నారు. మొత్తం రూ. 1.78 కోట్ల మేర చెక్కులను ఆయన పంపిణీ చేశారు.

ఇదీ చదవండి:శాస్త్రవేత్తలు, వాలంటీర్లకు ఈ విజయం అంకితం: భారత్‌ బయోటెక్‌ సీఎండీ