మిలాద్​ ఉన్ నబీ సందర్భంగా జహీరాబాద్​లో సామూహిక వివాహలు

సంగారెడ్డి జిల్లా జహీరాబాద్​లో మిలాద్​ ఉన్ నబీ వేడుకలు ఘనంగా జరిగాయి. స్థానిక ఈద్గా ప్రాంతంలో ముస్లిం జంటలకు సామూహిక వివాహాలు జరిపి రూ. 30 వేల విలువైన సామగ్రిని మిలాద్​ కమిటీ వారు అందించారు.

మహమ్మద్​ ప్రవక్త జన్మదినాన్ని పురస్కరించుకుని సంగారెడ్డి జిల్లా జహీరాబాద్​లో మిలాద్​ ఉన్ నబీ వేడుకలు ఘనంగా నిర్వహించారు. మిలాద్​ కమిటీ ఆధ్వర్యంలో జహీరాబాద్​లోని ఈద్గా ప్రాంగణంలో ముస్లిం జంటలకు సామూహిక వివాహాలు జరిపించారు.

ఐదు జంటలకు రూ. 30 వేల విలువైన పెళ్లి సామగ్రిని వివాహ కానుకగా అందజేశారు. మహమ్మద్​ ప్రవక్త ఆశయ సాధనకు ప్రతి ఒక్కరు కృషి చేయాలని ఇస్లాం ధర్మాన్ని పాటించాలని వక్తలు సూచించారు. కార్యక్రమంలో భాగంగా విందు భోజనాలను ఏర్పాటు చేశారు.

ముస్లిం జంటలకు అందజేసిన పెళ్లి సామగ్రి

ఇదీ చూడండి:వచ్చే వారం నుంచి ధాన్యం కొనుగోళ్లు ముమ్మరం: మంత్రి గంగుల