అందుబాటులోకి ఎంఎంటీఎస్​​ రెండోదశ

రెండోదశ ఎంఎంటీఎస్​ దక్షిణ మధ్య రైల్వే శాఖ ఎట్టకేలకు ప్రారంభించింది. సంగారెడ్డి జిల్లా రామచంద్రాపురం నుంచి ఇవాళ ఉదయం 5.05 గంటలకు హైదరాబాద్​ నాంపల్లికి బయలుదేరింది.

ఎట్టకేలకు రెండోదశ ఎంఎంటీఎస్‌ సంగారెడ్డి జిల్లా రామచంద్రాపురం వాసులకు అందుబాటులోకి వచ్చింది. ఆదివారం రాత్రి 11 గంటలకు ఎంఎంటీఎస్‌ రైలు ఫలక్‌నుమా నుంచి బయలుదేరి రామచంద్రాపురం స్టేషన్‌కు చేరుకుంది. ఉదయం 5 గంటల 5 నిమషాలకు నాంపల్లికి బయలుదేరింది. ఎటువంటి హంగు ఆర్భాటాలు లేకుండా దక్షిణ మధ్య రైల్వే శాఖ సాధారణంగా ప్రారంభించింది. తొలిసారిగా వెళ్లిన రైలులో ప్రయాణికులు ఎక్కువ మంది రాలేదు.