పటాన్​చెరు నియోజకవర్గంలో ఎమ్మెల్యే మహిపాల్​రెడ్డి పర్యటన

సంగారెడ్డి జిల్లా పటాన్​చెరు మండలంలో ఎమ్మెల్యే మహిపాల్​రెడ్డి సుడిగాలి పర్యటన చేశారు. సుమారు 17 గ్రామ పంచాయతీల్లో డంపింగ్ యార్డులు, వైకుంఠధామాలను ప్రారంభించారు.

నియోజక వర్గంలోని అన్ని గ్రామ పంచాయతీల్లో అభివృద్ధి పనులు శరవేగంగా జరుగుతున్నాయని ఎమ్మెల్యే మహిపాల్​రెడ్డి పేర్కొన్నారు. సంగారెడ్డి జిల్లా పటాన్​చెరు మండలంలోని పలు గ్రామాల్లో సుడిగాలి పర్యటన చేశారు. ఈ సందర్భంగా ఆయా గ్రామాల్లో నిర్మాణాలు పూర్తయిన డంపింగ్​ యార్డులు, వైకుంఠధామాలను ఆయన ప్రారంభించారు.

సీఎం కేసీఆర్ నాయకత్వంలో పల్లెలకు మహర్దశ వచ్చిందని ఎమ్మెల్యే పేర్కొన్నారు. నియోజకవర్గంలోని అన్ని గ్రామాల్లోనూ డంపింగ్​ యార్డుల నిర్మాణాలను పూర్తి చేసి ప్రజలకు అందుబాటులోకి తెచ్చామని తెలిపారు. మెజార్టీ గ్రామాల్లో వైకుంఠదామాల నిర్మాణాలు సైతం పూర్తయ్యాయని అన్నారు. ప్రతి గ్రామంలో అన్ని రకాల మౌలిక వసతులు కల్పిస్తూ, ప్రజలకు పారదర్శకమైన పాలన అందిస్తున్నట్లు ఆయన వివరించారు.