సీఎం​ జన్మదినం.. ఎమ్మెల్యే ప్రత్యేక పూజలు

ముఖ్యమంత్రి కేసీఆర్ జన్మదినం పురస్కరించుకొని ఎమ్మెల్యే మహిపాల్​రెడ్డి ప్రత్యేక పూజలు నిర్వహించారు. సీఎం ఆయురారోగ్యాలతో జీవించాలని వేడుకున్నారు. అనంతరం మొక్కలు నాటి, జన్మదిన శుభాకాంక్షలు తెలిపారు.

ముఖ్యమంత్రి కేసీఆర్ జన్మదినం సందర్భంగా సంగారెడ్డి జిల్లా పటాన్​చెరు మండలం రుద్రారంలోని గణేశ్​ దేవస్థానంలో ఎమ్మెల్యే మహిపాల్​రెడ్డి ప్రత్యేక పూజలు నిర్వహించారు. సీఎం నిండు నూరేళ్లు సుఖ సంతోషాలతో జీవించాలని భగవంతుడిని ప్రార్థించారు. అనంతరం కోటి వృక్షార్చనలో భాగంగా ఆలయ ఆవరణలో మొక్కలు నాటారు. వాటిని సంరక్షించాలని అధికారులకు సూచించారు.

కోటి వృక్షార్చనలో పాల్గొన్న ఎమ్మెల్యే

పటాన్​చెరు ప్రభుత్వాసుపత్రిలో రోగులకు పండ్లను పంపిణీ చేశారు. ఆస్పత్రి ఆవరణలో మొక్కలు నాటారు. అనంతరం కేక్ కట్​ చేసి సీఎం జన్మదిన వేడుకలను నిర్వహించారు. ఈ సందర్భంగా కర్థనూరు గ్రామ పంచాయతీ పరిధిలోని పల్లె ప్రకృతి వనాన్ని ఆనుకుని ఉన్న ఖాళీ ప్రదేశంలో పెద్ద ఎత్తున మొక్కలు నాటారు.