రామ్​రావు​ మహారాజ్​ విగ్రహ ప్రతిష్ఠకు స్థలం కేటాయించండి : జగ్గారెడ్డి

బంజారాల ఆరాధ్య దైవం సంత్​శ్రీ రామ్​రావు మహరాజ్​ విగ్రహానికి స్థలం కేటాయించాలని సంగారెడ్డి జిల్లా పాలనాధికారికి కాంగ్రెస్ ఎమ్మెల్యే జగ్గారెడ్డి లేఖ రాశారు. సంగారెడ్డిలో విగ్రహాన్ని ఏర్పాటు చేయాలని తండాల ప్రజలు కోరుతున్నారని తెలిపారు.

సంగారెడ్డి జిల్లా కేంద్రంలో బంజారాల ఆరాధ్య దైవం సంత్​శ్రీ రామ్​రావు మహారాజ్ విగ్రహ ఏర్పాటుకు స్థలం కేటాయించాలని పాలనాధికారికి ఎమ్మెల్యే జగ్గారెడ్డి లేఖ రాశారు. సంగారెడ్డి చౌరస్తాలోని ఖాళీ స్థలాన్ని కేటాయించాలని కోరారు. .

లంబాడ తండాల్లో విద్యాభివృద్ధికి ఆయన ఎంతో కృషి చేశారని పేర్కొన్నారు. విగ్రహాన్ని ఏర్పాటు చేయాలంటూ తండాల ప్రజలు కోరుతున్నారని తెలిపారు. విగ్రహానికి అయ్యే ఖర్చును తండావాసులే భరిస్తారని వెల్లడించారు.

ఇదీ చూడండి:దుబ్బాక ప్రజలది స్ఫూర్తిదాయక తీర్పు: బండి