ఆర్థిక మంత్రి హరీశ్రావును చూసి ఓ విద్యార్థిని ఉద్వేగానికి గురైంది. సంగారెడ్డి జిల్లా నాగల్గిద్ద మండలంలోని ఖరసగుత్తి గ్రామంలో గిరిజన సంక్షేమ గురుకుల పాఠశాలను హరీశ్రావు ప్రారంభించారు. అనంతరం వేదిక మీదకు విద్యార్థులను పిలిచి వారి లక్ష్యాలు, పాఠశాలలో ఉన్న సౌకర్యాల గురించి అడిగి తెలుసుకున్నారు.
నేను ఎవర్ని.. నేనేం చేస్తాను.. విద్యార్థులతో హరీశ్ మమేకం
సుమిత్ర అనే విద్యార్థిని.. సార్.. మిమల్ని పేపర్లో, టీవీలో చూశాం. ప్రత్యక్షంగా చూస్తానని కలలో కూడా అనుకోలేదని హరీశ్రావుతో ఆనందం పంచుకుంది. అందుకు హరీశ్... నేను ఎవరూ? ఏం చేస్తాను? అని ప్రశ్నించారు. మీరు హరీశ్రావు.. మీరు ఆర్థిక మంత్రి, ప్రజలకు సహాయం చేస్తూ ఉంటారు. నాకు మీ గురించి అంతా తెలుసు అని ఆ విద్యార్థిని బదులిచ్చింది.