రోడ్డు ప్రమాదంలో వ్యక్తి మృతి

రోడ్డు ప్రమాదంలో గాయపడి వ్యక్తి మృతి చెందిన ఘటన సంగారెడ్డి జిల్లా పరిధిలో చోటు చేసుకుంది. రోడ్డుపై వెళ్తున్న ద్విచక్ర వాహనాన్ని టిప్పర్​ లారీ ఢీకొనడం వల్ల ద్విచక్ర వాహన చోదకుడు అక్కడికక్కడే మృతి చెందాడు.

సంగారెడ్డి జిల్లా నారాయణఖేడ్​ మండలం గంగాపూర్​ వద్ద జరిగిన రోడ్డు ప్రమాదంలో ద్విచక్ర వాహనాదారుడు అక్కడిక్కడే మృతి చెందాడు. సిర్గాపూర్​కు చెందిన ప్రవీణ్​ (35) నారాయణఖేడ్​ నుంచి స్వగ్రామానికి వెళ్తుండగా.. వేగంగా వస్తున్న టిప్పర్​ లారీ ఢీకొని అక్కడికక్కడే ప్రాణాలు విడిచాడు. ఘటన అనంతరం టిప్పర్​ డ్రైవర్​ పరారయ్యాడు.

సమాచారం అందుకున్న పోలీసులు ఘటనా స్థలానికి చేరుకుని పరిశీలించారు. మృతుడి వివరాలు సేకరించి కేసు నమోదు చేసుకున్నారు. పరారీలో ఉన్న టిప్పర్​ డ్రైవర్​ గురించి గాలిస్తున్నారు.

ఇవీ చూడండి:'బాధిత కుటుంబాలకు అండగా ఉంటాం'