కొరడా దెబ్బలు కొట్టుకుంటూ దేవుడికి మొక్కులు చెల్లింపు

కొరడాలతో తమని తాము కొట్టుకుంటూ.. ఎదుటి వారిని కొడుతున్నారేంటి అనుకుంటున్నారా? మహారాష్ట్రకు చెందిన భక్తులు కొరడాలతో కొట్టుకుంటూ సంగమేశ్వర స్వామికి మొక్కులు తీర్చుకున్నారు. ఈ వింత ఆచారాన్ని చూసి భక్తులు ఆశ్చర్యపోయారు.

సాధారణంగా దేవుడికి నైవేద్యం, కానుకలు సమర్పించి... మొక్కులు చెల్లించుకుంటారు. కానీ మహారాష్ట్రకు చెందిన కొంతమంది భక్తులు మాత్రం... కొరడా దెబ్బలు కొట్టుకుంటూ మొక్కులు చెల్లించారు. సంగారెడ్డి జిల్లా ఝరాసంగం కేతకి సంగమేశ్వర ఆలయంలో ఈ ఘటన జరిగింది.

మహారాష్ట్ర నుంచి సంగమేశ్వరం తరలివచ్చిన భక్త బృందం... డప్పువాద్యాలు, తాళాల మధ్య కొరడాలతో తమని తాము కొట్టుకున్నారు. ఆ తర్వాత ఎదుటువారిని కొట్టారు. ఇది తమ కుటుంబ ఆచారమని తెలిపారు. ఈ వింత ఆచారాన్ని చూసి స్థానిక భక్తులు ఆశ్యర్చపోయారు.

ఇదీ చూడండి:Allu Aravind, Sukumar met governor : పుష్ప చిత్రాన్ని వీక్షించాలని గవర్నర్‌ తమిళిసైకి ఆహ్వానం