సంగారెడ్డిలో పకడ్బందీగా లాక్​డౌన్

సంగారెడ్డి జిల్లాలో డీఎస్పీ బాలాజీ లాక్​డౌన్ అమలుతీరును పరిశీలించారు. జిల్లాలో లాక్​డౌన్ కఠినంగా అమలవుతోందని... ప్రజలందరూ కొవిడ్ నిబంధనలను పాటించాలని సూచించారు.

సంగారెడ్డి జిల్లాలో లాక్​డౌన్ పటిష్ఠంగా అమలవుతోంది. సంగారెడ్డి డీఎస్పీ బాలాజీ ఆధ్వర్యంలో పట్టణంలోని ప్రధాన కూడళ్లలోని చెక్​ పోస్టుల వద్ద వాహన తనిఖీలు నిర్వహించారు. అనవసరంగా బయటకి వచ్చిన వారి వాహనాలను సీజ్ చేశారు. అత్యవసరమైతే తప్ప ప్రజలు బయటకి రావొద్దని.. ఒకవేళ వచ్చినా మాస్కులు ధరించి, భౌతిక దూరం పాటించాలని డీఎస్పీ బాలాజీ సూచించారు.

ప్రజలందరూ కరోనా నిబంధనలను కచ్చితంగా పాటించాలని తెలిపారు. అనవసరంగా రోడ్లపైకి వస్తే.. వాహనాలు సీజ్ చేసి వాహనదారులపై కేసులు పెడతామని డీఎస్పీ బాలాజీ హెచ్చరించారు.

ఇదీ చదవండి :ఎమ్మెల్సీ పల్లా రాజేశ్వర్‌రెడ్డి ప్రమాణ స్వీకారం వాయిదా