నేటి నుంచి లాక్​డౌన్... కిక్కిరిసిన వ్యాపార సముదాయాలు

రాష్ట్రవ్యాప్తంగా నేటి నుంచి లాక్‌డౌన్‌ అమలుకానుంది. నిత్యావసర సరుకులు, ఇతర అవసరాలకు ప్రభుత్వం ఉదయం 6 గంటల నుంచి 10 వరకు వెసులుబాటు ఇచ్చింది. నాలుగు గంటలే సమయం ఉండడంతో రాష్ట్రవ్యాప్తంగా కూరగాయల మార్కెట్లు, కిరాణ దుకాణాలు, పెట్రోలు బంకుల వద్ద రద్దీ నెలకొంది.

కరోనా మహమ్మారి విజృంభిస్తున్న నేపథ్యంలో రాష్ట్ర ప్రభుత్వం నేటి నుంచి లాక్​డౌన్ విధించి... ఉదయం నాలుగు గంటలు మాత్రమే మినహాయింపు ఇచ్చింది. ఈ క్రమంలో సంగారెడ్డి నియోజకవర్గంలో వ్యాపార సముదాయాల వద్ద రద్దీ మొదలైంది. ఆర్టీసీ బస్​స్టాండ్లో ప్రయాణికులు లేక నిర్మానుష్యంగా మారాయి. పరిమిత సమయంలో నడుపుతుండడంతో ఎక్కవశాతం బస్సులు డిపోలకు పరిమితమయ్యాయి.

కొవిడ్​ విజృంభిస్తున్నా కూడా కొందరు వ్యాపారులు లెక్కచేయకుండా.. మాస్క్ ధరించకుండా వ్యాపారాలు చేస్తున్నారు. కనీస జాగ్రత్తలు పాటించకుండా లాభాలే చాలు అనే రీతిలో వ్యవహరించడంపై ప్రజలు ఆగ్రహం వ్యక్తం చేస్తున్నారు.

ఇదీ చూడండి:కొవిడ్ బాధితుల కోసం ప్రత్యేక ఆల్కలైన్ హైడ్రోజన్ వాటర్‌