వెలుగులోకి కల్యాణలక్ష్మిలో అక్రమాలు సంగారెడ్డి జిల్లా నారాయణఖేడ్ మండలం కొండాపూర్కు చెందిన దేవీసింగ్ డిగ్రీ వరకు చదువుకున్నాడు. అక్రమ డబ్బు సంపాదించేందుకు తుర్కపల్లికి చెందిన నెహ్రూతో జత కలిసి నకిలీ పత్రాలు, నకిలీ ఆధార్ కార్డులు సృష్టించారు. వాటి ఆధారంగా ఆదాయ, నివాస, పుట్టిన తేదీ పత్రాలను తహసీల్దార్ కార్యాలయం ద్వారా పొందారు. వారిద్దరికీ అప్పటికే వివాహాలు కావడంతో వారి భార్య పేరున నకిలీ పెళ్లి ఫొటోలు సృష్టించి ఆన్లైన్లో కల్యాణలక్ష్మి కోసం దరఖాస్తు చేశారు. వారికి అప్పటి తహసీల్దార్ తారసింగ్ మద్దతు ఇచ్చారు. దీనితో వారి దరఖాస్తులకు కల్యాణ లక్ష్మి పథకం కింద ఇరువురికి లక్ష రూపాయల చొప్పున మంజూరు అయ్యాయి.
ఈ విషయంలో పలువురు, ప్రస్తుత తహసీల్దార్కు ఫిర్యాదులు చేశారు. అక్రమాలపై ఆయన విచారణ జరపగా విషయం బయటపడింది. దీనితో పోలీసులను ఆశ్రయించడంతో వారిని అరెస్టు చేశారు. నిందితుడు దేవీసింగ్ను అదుపులోకి తీసుకోగా మరో నిందితుడు నెహ్రూ పరారీలో ఉన్నాడు.
ఇవీ చూడండి:'ఆర్టీసీ మిలియన్ మార్చ్ను విజయవంతం చేయండి'
