పెళ్లికి వెళ్లి వచ్చేసరికే ఇంటిని దోచేశారు!

ఓ ఇంట్లో ఎవరూ లేని సమయంలో గుర్తు తెలియని దుండగులు తాళాలు పగులగొట్టి చోరీకి పాల్పడ్డారు. నాలుగు తులాల బంగారం, హోమ్ థియేటర్, ఎల్​సీడీ టీవీ, ఇంటి ముందున్న కారు దొంగిలించుకుని వెళ్లిపోయారు. ఈ సంఘటన సంగారెడ్డి జిల్లా రామచంద్రపురంలో చోటుచేసుకుంది.

సంగారెడ్డి జిల్లా రామచంద్రపురం ఎంఐజీ ఫేస్-2 విద్యుత్​నగర్​లో భారీ చోరీ జరిగింది. షేక్ అబ్దుల్ రావుఫ్ ఈనెల 19న కుటుంబంతో సహా అనంతపూర్​లో ఓ వివాహ వేడుకకు వెళ్లారు. అది ముగించుకుని శనివారం ఇంటికొచ్చేసరికి ప్రధాన ద్వారం తాళాలు పగులగొట్టి ఉన్నాయి.

లోపలికి వెళ్లి చూడగా బీరువాలో ఉన్న నాలుగు తులాల బంగారం, హోమ్ థియేటర్, ఎల్​సీడీ టీవీ, ఇంటిముందున్న కారు దొంగిలించుకుని వెళ్లిపోయారు. పోలీసులు కేసు దర్యాప్తు చేస్తున్నారు.

ఇదీ చూడండి : 'జబర్ధస్త్​' ఛాలెంజ్... మొక్కలు నాటిన శ్రీను, రామ్​ ప్రసాద్