అనాథాశ్రమంలోనే బాలిక అత్యాచార నిందితుల విచారణ

సంగారెడ్డి జిల్లా అమీన్​పూర్​ అనాథాశ్రమ బాలిక అత్యాచార కేసులో నిందితులను పోలీసులు కస్టడీలోకి తీసుకున్నారు. మారుతీ అనాథాశ్రమంలో పోలీసులు వారిని విచారిస్తున్నారు.

సంగారెడ్డి జిల్లా అమీన్​పూర్​ మారుతీ అనాథాశ్రమంలో బాలిక అత్యాచార కేసు నిందితులను పోలీసులు కస్టడీలోకి తీసుకున్నారు. జిల్లా పరిధిలోని జైలులో ఉన్న నిందితులకు పోలీసులు పటాన్​చెరు ప్రభుత్వాసుపత్రిలో మెడికల్ పరీక్షలు నిర్వహించారు. అనంతరం మారుతీ అనాథాశ్రమానికి వారిని రెండు వాహనాల్లో తీసుకెళ్లారు.

దాదాపు మూడు గంటలకుపైగా అనాథాశ్రమంలోనే నిందితులను పోలీసులు విచారించారు. ఆ రహదారి గుండా మీడియా రాకుండా కొంతదూరం ముందుగానే పోలీసులు బందోబస్తు ఏర్పాటు చేశారు.

• ఇదీ చూడండి :అనాథ ఆశ్రమంలో బాలిక మృతిపై అధికారుల విచారణ