చెక్​పోస్టులో అక్రమ వసూళ్లు.. ఏసీబీకి పట్టుబడ్డ అధికారిణి..

తెలంగాణ-కర్ణాటక రాష్ట్ర సరిహద్దు చెక్ పోస్టులో అనిశా అధికారులు మెరుపు దాడులు చేశారు. డీఎస్పీ డా. శ్రీనివాస్ నేతృత్వంలో అధికారులు దాడులు నిర్వహించి రూ. 500 నగదు తీసుకుంటుండగా పట్టుకున్నారు. ఇన్​స్పెక్టర్ త్రివేణి బాయి నుంచి రూ. 28,470 వేల నగదును స్వాధీనం చేసుకున్నారు.

సంగారెడ్డి జిల్లా జహీరాబాద్ మండలం చిరాగ్ పల్లి శివారులోని చెక్ పోస్టులో ప్రైవేటు ఏజెంట్​ను కూర్చోబెట్టి అక్రమ వసూళ్లకు పాల్పడుతున్నారు. తెలంగాణలో ప్రవేశించే లారీలు, పర్యాటక బస్సుల నుంచి 500 నుంచి 1000 వరకు అక్రమంగా వసూలు చేస్తున్నారని గుజరాత్​కు చెందిన కేవల్ తనక్కీ ఏసీబీకి ఫిర్యాదు చేశారు. ఈ నేపథ్యంలో హైదరాబాద్ నుంచి వచ్చిన అనిశా అధికారి డీఎస్పీ డా. శ్రీనివాస్ నేతృత్వంలో అధికారులు దాడులు నిర్వహించి నగదు తీసుకుంటుండగా పట్టుకున్నారు.

ప్రతి అరగంటకొకసారి అసిస్టెంట్ మోటార్ వెహికల్ ఇన్​స్పెక్టర్ త్రివేణి బాయి, ప్రైవేట్ ఏజెంట్ వసూలు చేసిన మొత్తాన్ని తీసుకుంటుంది. తన టేబుల్​డ్రాలో వేసుకున్న లెక్కచూపని రూ. 28,470 వేల నగదును స్వాధీనం చేసుకున్నారు. దర్యాప్తు చేపట్టిన అనిశా అధికారులు త్రివేణి బాయి సహా ప్రైవేట్ ఏజెంట్ చాంద్ పాషాపై కేసు నమోదు చేసి అదుపులోకి తీసుకున్నారు.

ఇదీ చూడండి : 'ఉద్యోగాల పేరుతో మహిళలు అక్కడ మగ్గిపోతున్నారు'