బొల్లారం ఘటనపై హెచ్​ఆర్సీ స్పందన.. సుమోటోగా కేసు స్వీకరణ

ఐడీఏ బొల్లారం అగ్ని ప్రమాదంపై హెచ్​ఆర్సీ స్పందించింది. ఈ ఘటనలో ముగ్గురికి గాయాలు కాగా.. మానవ హక్కుల కమిషన్ సుమోటోగా కేసు తీసుకుంది. ఘటనకు కారణాలు, అధికారుల చర్యలు, కార్మికులకు అందించిన చికిత్స, సహాయం గురించి నివేదించాల్సిందిగా ఆదేశించింది. అందుకు జూన్​ 24 వరకు గడువు విధించింది. ​

గురువారం సాయంత్రం సంగారెడ్డి జిల్లా ఐడీఏ బొల్లారంలోని రసాయన పరిశ్రమలో రియాక్టర్ పేలి అగ్ని ప్రమాదం చోటుచేసుకుంది. ఈ ఘటనలో ముగ్గురు కార్మికులకు గాయాలైనట్లు.. వచ్చిన దిన పత్రికల కథనం ఆధారంగా రాష్ట్ర మానవ హక్కుల కమిషన్ సుమోటోగా కేసు స్వీకరించింది. మెంబర్ సెక్రటరీ తెలంగాణ స్టేట్ పొల్యూషన్ కంట్రోల్ బోర్డు, లేబర్ కమిషనర్​కు నోటీసులు జారీ చేశారు.

ఈ ఘటన జరగడానికి కారణాలేంటి, అధికారులు ఎటువంటి చర్యలు తీసుకున్నారు, గాయపడిన కార్మికులకు అందించిన చికిత్స.. వారి స్థితి, వారికందిన సహాయం గురించి జూన్​ 24లోగా క్లుప్తంగా నివేదించాల్సిందిగా హెచ్​ఆర్సీ ఆదేశించింది.

ఇదీ చూడండి :మృతదేహాలను పరిశీలించిన మంత్రి ఎర్రబెల్లి