ఇక ఆరోగ్యం... మీ ఇంటి చెత్త నుంచే!
చిన్న పట్టణంలోనైనా ప్రతిరోజు కనీసం 20 మెట్రిక్ టన్నుల చెత్త ఉత్పత్తి అవుతోంది. ఈ చెత్తను సేకరించి, డంప్ యార్డ్కు తరలించడం పురపాలికలకు తలకు మించిన భారంగా మారుతోంది. ఇందులో 60 నుంచి 70శాతం వరకు కుళ్లి.. భూమిలో కలిసిపోయే కూరగాయలు, ఆకులు, ఆహార పదార్థాలు వంటి వ్యర్థాలే ఉంటున్నాయి.
తడి చెత్తతో ఎరువు
తడి చెత్త బయటికి రాకుండా.. ఇంట్లోనే పరిష్కారం చూపేలా సంగారెడ్డి పురపాలక సంఘం ఓ వినూత్న కార్యక్రమం చేపట్టింది. హోమ్ కంపోస్టింగ్ పేరుతో ప్రజలకు అవగాహన కార్యక్రమం నిర్వహిస్తోంది. ఇంట్లో ఉత్పత్తయ్యే తడి చెత్తను ఎరువుగా మార్చుకునేలా ప్రోత్సహిస్తోంది. మొదటగా పట్టణంలోని రెస్టారెంట్లు, హోటళ్లు, మహిళా సంఘాలు, కాలనీల వారీగా ఔత్సాహికులను గుర్తించి వారికి.. నిపుణులతో శిక్షణ ఇస్తోంది.
చెత్త రహిత పట్టణంగా...