Harish Rao Meet Patnam Manikyam in Sangareddy : రానున్న ఎన్నికల్లోని సంగారెడ్డిలో గులాబీ జెండా ఎగుర వేయడమే లక్ష్యంగా ఉన్నామని మంత్రి హరీశ్రావు అన్నారు. ఈ నేపథ్యంలోనే ప్రతిపక్షాలపై హరీశ్(Minister Harish Rao) విమర్శలు గుప్పించారు. ప్రత్యేక తెలంగాణ కోసం ప్రాణాలు పణంగా పెట్టిన వ్యక్తి కావాలో.. ఉద్యమ కారుల భుజాలపై తుపాకీ గురిపెట్టినవ్యక్తులు కావాలో ప్రజలే ఆలోచించాలన్నారు. ఉద్యమం సందర్భంగా కిషన్‌ రెడ్డి(Kishan Reddy) పదవికి భయపడి రాజీనామ కూడా చేయలేదని, ఇప్పుడు ఆయనకు అధికారం కట్టబెడితే ఎంత మేరకు అభివృద్ధి చేస్తారో ఆలోచించాలన్నారు.
Minister Harish Rao Comments on Revanth Reddy :కేసీఆర్ తలచుకుంటే రేవంత్ రెడ్డి(Revanth Reddy)ని ఓటుకు నోటు కేసులో ఎప్పుడో జైలులో వేసేవారని కానీ పక్క రాష్ట్రాల్లాగా అలాంటి కుటిల రాజకీయాలు చేయబోమని మంత్రి హరీశ్రావుహితువు పలికారు. ఓటుకు నోటు(Vote for Cash Case)- నోటుకు సీటు అనే వ్యక్తులను ప్రజలు నమ్మె ప్రసక్తే లేదని ఎద్దేవా చేశారు. రాబోయే ఎన్నికల్లో.. ధరణిని బంగాళఖాతంలో కలపాలన్న వారినే ప్రజలు అదే బంగాళాఖాతంలో ముంచుతారని విమర్శించారు. ఎవరు ఎన్ని కుట్రలు, ఆరోపణలు చేసిన రాబోయేది కేసీఆర్ ప్రభుత్వమేనని స్పష్టం చేశారు. ముచ్చటగా మూడోసారి కూడా అధికారంలోకి వస్తామని ధీమా వ్యక్తం చేశారు.
"సంగారెడ్డి జిల్లాలో బీఆర్ఎస్ గెలిచే విధంగా ఎన్నికల ప్రచారంలో ముందుకు సాగుతున్నాం. కేసీఆర్‌కు పనితనం తప్ప పగతనం లేదు. కేసీఆర్ తలచుకుంటే రేవంత్‌రెడ్డిని జైలులో వేసేవారు. ఓటుకు నోటు కేసులో రేవంత్‌రెడ్డిని జైలులో పెట్టేవారు. పక్క రాష్ట్రాల్లో ఏం జరుగుతుందో చూస్తున్నాం కదా?. వాళ్లు గెలవగానే వీళ్లను జైలుకు పంపిస్తారు. వీళ్లు గెలవగానే వాళ్లను జైలుకు పంపిస్తారు. ఎన్ని ట్రిక్లు చేసినా.. ఇసారి బీఆర్ఎస్ హ్యాట్రిక్ కొడుతుంది." - హరీశ్రావు, ఆర్థిక శాఖ మంత్రి
Minister Harish Rao Comments :నారాయణఖేడ్ నియోజికవర్గంలో ఈ నెల 30న సీఎం కేసీఆర్ బహిరంగ సభ నేపథ్యంలో కార్యకర్తల సన్నాహక సమావేశంలో పాల్గొన్నారు. రేవంత్రెడ్డి.. వాళ్ల నాన్న చనిపోతే అంత్యక్రియలు చేశాక స్నానం చేయడానికి కరెంట్ లేదని.. అసెంబ్లీలో చెప్పిన విషయాన్ని గుర్తు చేశారు. రేవంత్ తెలుగు దేశం పార్టీలో ఉన్నప్పుడు సోనియా గాంధీని బలి దేవత.. ఇటలీ బొమ్మ అన్నారని ఆరోపించారు. ప్రస్తుతం ఆమెను దేవత అంటున్నాడని అన్నారు. రేవంత్ నోటికి మొక్కాలని విమర్శించారు. కుర్చీల కోసం పార్టీలు మారే వ్యక్తి రేవంత్ రెడ్డి అని అన్నారు. ఏ ఎండకి ఆ గొడుగు పట్టే రకమని మండిపడ్డారు. బీఆర్ఎస్ ఎవరికీ బీటీం కాదని.. ప్రజలకు బీం టీం అని స్పష్టం చేశారు.