పరిశీలనకు వెళ్లి.. యంత్రంలో పడి ఇంజినీర్ మృతి

పరిశ్రమలో తెచ్చిన కొత్త యంత్రాన్ని పరిశీలిస్తుండగా... అందులో పడి ఎలక్ట్రికల్ ఇంజినీర్ మృతి చెందిన ఘటన సంగారెడ్డి జిల్లా పటాన్​చెరు మండలం పాశమైలారం పారిశ్రామిక వాడలో జరిగింది.

సంగారెడ్డి జిల్లా పటాన్​చెరు మండలం పాశమైలారం పారిశ్రామిక వాడలో పార్లే ఆగ్రో పరిశ్రమలో ప్రమాదం చోటుచేసుకుంది. పరిశ్రమలోకి కొత్తగా తెచ్చిన యంత్రాన్ని రోహిత్​ జ్యోషి అనే ఎలక్ట్రికల్ ఇంజినీర్ పరిశీలించేందుకు దగ్గరకు వెళ్లారు.

ప్రమాదవశాత్తు యంత్రంలో పడి తీవ్రంగా గాయపడి.. అక్కడికక్కడే మృతి చెందారు. బీడీఎల్ పోలీసులు.. మృతదేహాన్ని శవపరీక్షకు తరలించారు. కేసు నమోదు చేసుకుని దర్యాప్తు చేస్తున్నారు.

ఇదీ చూడండి:-అమెరికా అధ్యక్షుడి పేరుతో భారత్​లో ఓ గ్రామం!