ఆడపిల్లలు ఇంటికి అదృష్టం: కలెక్టర్ హనుమంతరావు

సంగారెడ్డి జిల్లా హరిదాస్పూర్ గ్రామంలో సుకన్య సమృద్ధి ఖాతాలను తెరిపించే కార్యక్రమం కలెక్టర్ హనుమంతరావు నిర్వహించారు. ఆడపిల్లలు ఇంటికి అదృష్టవంతులని కొనియాడారు. ఊరిని 100శాతం అభివృద్ధి చేసేందుకు నిధులిచ్చే ప్రయత్నం చేస్తామన్నారు.

ఆడపిల్లలు ఇంటికి అదృష్టవంతులని సంగారెడ్డి జిల్లా కలెక్టర్ హనుమంతరావు అన్నారు. కొండాపూర్ మండలం హరిదాస్పూర్ గ్రామంలో సుకన్య సమృద్ధి ఖాతాలను తెరిపించే కార్యక్రమం నిర్వహించారు.

ఆడపిల్లలు ఉన్నవారు ఇలాంటి పథకా​లు వాడుకోవాలని సూచించారు. ఇది అమ్మాయిల చదువుకు, ఇతర పనులకు నగదు జమ చేసే కార్యక్రమమని పేర్కొన్నారు.

గ్రామం ఎంతో బాగుందని.. అందరి కృషి వల్లనే ఇది సాధ్యమని అన్నారు. ఊరిలో ఎలాంటి సమస్యలున్నా తమ దృష్టికి తీసుకురావచ్చని సూచించారు. భవిష్యత్​లో అభివృద్ధికి మరిన్ని నిధులిచ్చే ప్రయత్నం చేస్తామని తెలిపారు.

ఇదీ చూడండి:రసాభాసగా మారిన నగరపాలిక సర్వసభ్య సమావేశం