జహీరాబాద్​లో భాజపా శ్రేణుల రాస్తారోకో

భాజపా రాష్ట్ర అధ్యక్షుడు బండి సంజయ్​పై జరిగిన దాడిని నిరసిస్తూ జహీరాబాద్​లో పార్టీ శ్రేణులు రాస్తారోకో నిర్వహించారు. పోలీసులు వారిని అడ్డుకుని అదుపులోకి తీసుకున్నారు.

భాజపా రాష్ట్ర అధ్యక్షుడు ఎంపీ బండి సంజయ్ అరెస్టును నిరసిస్తూ సంగారెడ్డి జిల్లా జహీరాబాద్​లో భాజపా శ్రేణులు రాస్తారోకో నిర్వహించారు. తెరాస సర్కారుకు వ్యతిరేకంగా భవాని మందిర్ కూడలిలో నినాదాలు చేశారు.

దుబ్బాక అసెంబ్లీ ఉప ఎన్నికల్లో ఓటమి భయంతోనే మంత్రి హరీశ్​ రావు భాజపా నేతలపై అక్రమ కేసులు పెట్టిస్తున్నారని ఆరోపించారు. రాస్తారోకోతో ప్రధాన రహదారిపై వాహన రాకపోకలు నిలిచిపోవడం వల్ల పోలీసులు వారిని అరెస్టు చేసి పట్టణ ఠాణాకు తరలించారు. అనంతరం ట్రాఫిక్​ను మళ్లించారు.

ఇదీ చూడండి:దుబ్బాకలో భాజపా గెలవబోతోంది: బండి సంజయ్​