అర్చకులకు నిత్యావసర సరుకుల పంపిణీ

లాక్​డౌన్​ కారణంగా ఆర్థిక ఇబ్బందులు ఎదుర్కొంటున్న అర్చకులకు భాజపా నాయకులు చేయూతనందించారు. సంగారెడ్డి జిల్లా రుద్రారంలోని పేద బ్రాహ్మణులకు బియ్యంతో పాటు నిత్యావసర సరుకులను పంపిణీ చేశారు.

సంగారెడ్డి జిల్లా పటాన్​చెరు మండలం రుద్రారం గణేష్ దేవాలయ అర్చకులకు, సిబ్బందికి రాష్ట్ర భాజపా నాయకులు శ్రీకాంత్ గౌడ్ నిత్యావసరాలు అందించారు. ఈ సందర్భంగా వారికి 25కేజీల బియ్యంతోపాటు నిత్యావసర సరుకులను పంపిణీ చేశారు. లాక్​డౌన్ కార‌ణంగా గ‌త రెండు నెలలుగా అర్చకులు పడుతున్న బాధలను చూసి వారికి స‌రుకులు పంపిణీ చేసినట్లు వెల్లడించారు.

రాష్ట్ర ప్రభుత్వం నిరుపేదలను ఆదుకోవాల్సిన అవసరం ఉందని ఆయన పేర్కొన్నారు. లాక్​డౌన్​ సమయంలో చాలా మంది పేదలకు సహాయం అందలేదని వారిని ప్రభుత్వం గుర్తించి సాయం చేయాలని కోరారు.