తెరాస పాలనలో ప్రజలు విసిగిపోయారు : గోదావరి అంజిరెడ్డి

ఆరేళ్ల తెరాస పాలనలో ప్రజలు విసిగిపోయారని భాజపా అభ్యర్థి గోదావరి అంజిరెడ్డి అన్నారు. గ్రేటర్ ఎన్నికల్లో భాజపాను గెలిపించాలంటూ సంగారెడ్డి జిల్లా భారతినగర్​లో ఇంటింటా ఎన్నికల ప్రచారం నిర్వహించారు.

తెరాస పాలనలో సొసైటీ స్థలాలను కబ్జా చేసి విక్రయించారని వాటిని కాపాడేందుకు కృషి చేస్తానని భాజపా అభ్యర్థి గోదావరి అంజిరెడ్డి తెలిపారు. సంగారెడ్డి జిల్లా భారతినగర్​ డివిజన్​లో ఆమె ఇంటింటికి వెళ్లి ఎన్నికల ప్రచారం నిర్వహించారు. పార్కుల్లో ఎలాంటి సౌకర్యాలు లేవని వాటిని అభివృద్ధి చేస్తామన్నారు.

డివిజన్​ పరిధిలో ఇళ్లు లేని పేదలకు పట్టాలు వచ్చే విధంగా కృషి చేస్తానని ఆమె హామీ ఇచ్చారు. జీహెచ్ఎంసీలో భాజపాను గెలిపించాలని ఓటర్లకు విజ్ఞప్తి చేశారు. నిత్యం ప్రజలకు అందుబాటులో ఉంటూ సమస్యలపై పోరాడతానని ఆమె తెలిపారు. కమలం గుర్తుకు ఓటేసి భారీ మెజారిటీతో గెలిపించాలని అంజిరెడ్డి అభ్యర్థించారు.

ఇదీ చూడండి:ఎన్నికల ప్రచారంలో పాల్గొన్న గవర్నర్​ కుమార్తె