మొక్కలకు పుట్టినరోజు..చిన్నారుల సంబురాలు..

ఆగస్టు 8 వచ్చిదంటే ఆ బడికి పండుగరోజు. స్కూల్​ మొత్తం కలిసి ఒకరి పుట్టినరోజును సంబురంలా జరుపుతుంది. విద్యార్థులంతా ఊళ్లో అందరికి మిఠాయిలు పంచిపెడతారు. ప్రతీ ఏటా బర్త్​డే జరిపేది ఎవరికో తెలుసా..!

సంగారెడ్డి జిల్లాలోని కంగ్టి మండలం జమిగి (బి) పాఠశాలలో ప్రతి ఏటా ఆగస్టు 8న మొక్కలు నాటుతారు. ఈ ఏడాది నాటిన మొక్కలకు..వచ్చే ఏడాది పుట్టినరోజు వేడుకలు నిర్వహిస్తారు. ఇలా ఆరేళ్లుగా బర్త్​డే జరుపుతున్నారు. మొక్కల వయస్సు తెలియజేస్తూ ప్లకార్డులు పెట్టి మరీ శుభాకాంక్షలు తెలుపుతారు.

ఈసారి కూడా మొక్కల పుట్టినరోజును సంబురంలా జరుపుకున్నారు. ఈ కార్యక్రమానికి విద్యార్థులు, ఉపాధ్యాయులతో పాటు స్థానికులు కూడా హాజరయ్యారు. మిఠాయిలు పంచిపెట్టారు.

ఆరేళ్లుగా ఇలా వేడుకలు చేయటం ఇక్కడి విద్యార్థులు, ఉపాధ్యాయులకు అలవాటైంది. ఎక్కడా లేని విధంగా... మొక్కలకు పుట్టిన రోజు వేడుకలు చేయడం ప్రత్యేకతగా ఉపాధ్యాయులు చెబుతున్నారు.

ఇవీ చూడండి: సాహిత్యంలో వీళ్లు పిల్లలు కాదు పిడుగులు