జహీరాబాద్​లో అంగన్​వాడీల ధర్నా

అక్షయపాత్ర ద్వారా అంగన్​వాడీలకు భోజన సరఫరా నిలిపివేయాలని ఉద్యోగులు ఆర్డీవో కార్యాలయం ముందు ధర్నాకు దిగారు.

అంగన్​వాడీ కేంద్రాలకు అక్షయపాత్ర ద్వారా భోజన సరఫరా పథకాన్ని రద్దు చేయాలని డిమాండ్ చేస్తూ సంగారెడ్డి జిల్లా జహీరాబాద్​లో ఉద్యోగులు ధర్నాకు దిగారు. సీఐటీయూ ఆధ్వర్యంలో పట్టణంలోని ఆర్డీవో కార్యాలయం ఎదుట నిరసన తెలిపారు.

అంగన్​వాడీ కేంద్రాల్లో వండిన భోజనంతో చిన్నారులకు పౌష్టికాహారం అందుతుందని...అక్షయపాత్ర సరఫరా చేసే భోజనంతో చిన్నారుల ఆరోగ్యం దెబ్బతినే అవకాశం ఉందని కార్యకర్తలు ఆందోళన వ్యక్తం చేశారు.

ప్రభుత్వం ఈ పథకాన్ని పూర్తిగా రద్దు చేసి పాత పద్ధతిలోనే పౌష్టికాహారం పంపిణీ చేయాలని డిమాండ్ చేస్తూ ఆర్డీవో కార్యలయంలోని అధికారులకు వినతిపత్రం అందించారు.