కాళ్లు చేతులు కోల్పోయి.. మళ్లీ కుంచె పట్టి..

నిన్నటి వరకు అక్షరాలు దిద్దిన ఆ చేతులు పోయాయి. చిన్నారి పాదాలతో బుడిబుడి అడుగులు వేయాల్సిన ఆ పసివాడు ఇప్పుడు కదలలేని స్థితిలో ఉన్నాడు. అయినా ఆత్మవిశ్వాసం కోల్పోలేదు. మళ్లీ మొదటి నుంచి ఓనమాలు ప్రారంభించాడు.

సంగారెడ్డి జిల్లా కంకోల్​ గ్రామానికి చెందిన తుల్జారాం, ప్రమీల దంపతుల గారాల తనయుడు మధుకుమార్​. ప్రమాదవశాత్తు విద్యుదాఘాతానికి గురై కాళ్లు, చేతులు కోల్పోయాడు

నెలరోజులు ఆసుపత్రిలో ఉన్న తరువాత ఇంటికొచ్చిన మధు ఇప్పుడు కొత్త జీవితం ప్రారంభించాడు. చదువుకోవాలన్న తపనను తల్లిదండ్రులు అర్థం చేసుకున్నారు. మధుకుమార్ పరిస్థితిపై ఈటీవీ భారత్​ గతంలో ప్రచురించిన కథనాలకు బీడీఎల్​ విన్నర్​ ఫౌండేషన్​ సేవా సంస్థ అధ్యక్షుడు అరికెపూడి రఘు, చిత్రకళలో గిన్నిస్​ రికార్డు సాధించిన సముద్రాల హర్షలు స్పందించారు.మధుకుమార్​కు నోటితో అక్షరాలు రాసేలా శిక్షణ ప్రారంభించారు. నోటిలో కుంచె పెట్టి తొలుత అమ్మ అనే అక్షరాలు రాయించారు.

అతణ్ని త్వరలోనే జర్మనీకి తీసుకెళ్లి కృత్రిమ చేతులు అమర్చేందుకు కృషి చేస్తామని ఆ వదాన్యులు తెలిపారు.

• ఇదీ చూడండి : అన్నంపెట్టే అమ్మ లేదు.. నడిపించే నాన్న రాడు...