అక్రమంగా తరలిస్తున్న 54 సంచుల గుట్కా ప్యాకెట్లు స్వాధీనం

అక్రమంగా తరలిస్తున్న నిషేధిత గుట్కా ప్యాకెట్లను సంగారెడ్డి జిల్లా పోలీసులు పట్టుకున్నారు. వారి నుంచి 54 సంచుల్లో ఉన్న గుట్కా ప్యాకెట్లను స్వాధీనం చేసుకున్నారు.

సంగారెడ్డి జిల్లా కంగ్టి మీదుగా అక్రమంగా తరలిస్తున్న నిషేధిత గుట్కా ప్యాకెట్లను పోలీసులు పట్టుకున్నారు. కంగ్టి ఎస్ఐ అబ్దుల్​ రఫిక్ ఆధ్వర్యంలో వాహనాల తనిఖీలో భాగంగా కర్ణాటక నుంచి వస్తున్న ఓ వ్యాన్​ను సోదా చేశారు.

ఆ వాహనంలో 54 సంచుల్లో గుట్కా ప్యాకెట్లు లభించాయి. వాటిని స్వాధీనం చేసుకున్నారు. నిందితుడు నిజామాబాద్​కు చెందిన నజీర్​గా గుర్తించి కేసు నమోదు చేసి దర్యాప్తు చేస్తున్నారు.

ఇదీ చూడండి :దొంగ ఓట్లు వేస్తున్నారని ఆందోళన