నారాయణఖేడ్​లో ప్రశాంతంగా పోలింగ్

అసలే ఎండాకాలం... ఆపై ఎన్నికలు... కాస్త ఆలస్యంగా వెళ్లినా ఎండలో వేచి చూడాల్సిందే. అందుకే ముందుగా వెళ్లి పోలింగ్ కేంద్రాల వద్ద బారులు తీరారు సంగారెడ్డి జిల్లావాసులు.

సంగారెడ్డి జిల్లా నారాయణఖేడ్ డివిజన్ పరిధిలోని ఆరు మండలాల్లో రెండో విడత ప్రాదేశిక ఎన్నికలు ప్రారంభం అయ్యాయి. నారాయణఖేడ్, మనుర్, కల్హేర్, సిర్గాపూర్, కంగ్టి, నాగల్గిద్ద మండలాల్లోని ఆయా గ్రామాల్లో ఎన్నికలు నిర్వహిస్తున్నారు. జిల్లా వ్యాప్తంగా 9 జడ్పీటీసీలు, 100 ఎంపీటీసీలకు గాను 564 పోలింగ్ కేంద్రాల ఏర్పాటు చేశారు. ఉదయం 7 గంటలకే పోలింగ్ ప్రారంభ సమయం నుంచి ఓటర్లు కేంద్రాల వద్ద బారులు తీరారు.

ఇవీ చూడండి: ఓటేయడానికి వైకల్యం అడ్డుకాదని నిరూపించిన విఘ్నేష్